VOV4.K’ho- Mho ngai (10/7), Chủ tịch Quốc hội mò Nguyễn Thị Kim Ngân mờ Mpồl lơh broă bơh Quốc hội dê lơh broă mờ kuang đơng lam bồ càr Long An.

Chủ tịch Quốc hội mò Nguyễn Thị Kim Ngân đơs nền, càr pal bơyai lơh jat mhar, dùl dơ\ le\ bal, lơh geh cồng nha ală broă lơh, broă lơh dong kờl bơtàu tơnguh lơh sa- mpồl bơtìan, ngan là bè broă tă dia, broă dong kờl gàr tơl niam rài kis mpồl bơtìan pa geh Quốc hội, Ủy ban Thường vụ Quốc hội, Chính phủ ai ngui nàng lơh niam wơl lơh sa tơnơ\ tơngai kòp dờng Covid-19 nàng kờ` dong kờl làng bol, mpồl lơh sa kă bro, cau lơh broă, ngan là ală mpồl lơh sa kă bro dềt mờ dimơ sơr lèt gan kal ke, sơr băc mhar lơh niam wơl lơh sa mpồl bơtìan; tă bơsong ală bơta kal ke kòl yan, sơlơ tơnguh ai càn priă bơcri priă dà lơgar; lơh ngan lơh gơs tàm khà uă ngan rlau jơh ală jơnau kờ` tàm broă rơndap lơh bơtàu tơnguh lơh sa- mpồl bơtìan càr dê.

Gơ wèt mờ ală jơnau đơs, jơnau dan bơh càr dê geh gơ rềng tus Adat ù tiah, Chủ tịch Quốc hội pà g^t, geh dờp mờ jàu Văn phòng Quốc hội in tơr gùm ală jơnau đơs, jơnau dan bơh càr dê pơyoa ală anih lơh broă geh gơ rềng in kơlôi sơnơng, sền mờ bơsong jat gơnoar broă.

Cau mblàng K’ Hạnh