VOV4.K’ho- Tơngkah 28 nam Ngai gùt làng bol sền gàr tiah nhàr lơgar mờ 58 nam Ngai crơng gơs Mpồl ling sền gàr tiah nhàr lơgar Việt Nam, mho òr 3/3, mò Nguyễn Thị Kim Ngân, Chủ tịch Quốc hội neh lòt còp mờ chờ gờm Bộ tư lệnh Mpồl ling sền gàr tiah nhàr lơgar. Đơs tàm dơ\ lơh broă tàm do, mò Nguyễn Thị Kim Ngân đơs niam ngan ală cồng nha mờ mpồl ling sền gàr tiah nhàr lơgar neh lơh geh mờ kơ\p kờn mpồl ling do sùm dipal mờ bơta pin dờn kờn gơboh bơh Đảng, Dà lơgar mờ làng bol dê lời pà. Mò Nguyễn Thị Kim Ngân đơs ngan là, mpồl ling sền gàr tiah nhàr lơgar geh Đảng, Dà lơgar mờ làng bol jàu kơnòl atbồ, sền gàr gơnoar tờm ù tiah, sền gàr niam lơngăp lơngai tiah nhàr lơgar dà lơgar dê tàm hơđang ù gờl mờ tàm dà lềng mờ tàm tơngai lài neh lơh niam ngan kơnòl broă hơ\. Mpồl ling sền gàr tiah nhàr lơgar kung là mpồl cau kuơmàng ngan nàng rơcang sơndră cau lơh tìs tàm tiah nhàr lơgar, ngan là cau lơh tìs ma tuý. Bal mờ hơ\, mpồl ling sền gàr tiah nhàr lơgar neh ala mat Đảng, Dà lơgar mờ làng bol lơh kơnòl broă lơh broă mờ lơgar ndai làng bol mờ lơh broă mờ lơgar ndai đah mpồl ling sền gàr nhàr lơgar đah lơgar he mờ ală lơgar gơ\p bơyô geh bal gùng nhàr lơgar lơh jat di gùng dà, broă lơh, chính sách lơh broă mờ lơgar ndai bơh Đảng mờ Dà lơgar he dê.

Cau cih mờ yal tơngi\t- Lơ Mu K’ Yến