VOV4.K’ho- Drim òr (01/12), Chủ tịch Quốc hội mò Nguyễn Thị Kim Ngân còp mờ lơh broă mờ Quân khu 4; còp ală hìu nhă gơtìp hoàc huơr bơh dơ\ mìu, càl dờng lài do lơh aniai.

                   Chủ tịch Quốc hội mò Nguyễn Thị Kim Ngân còp mờ lơh broă mờ Quân khu 4

Quân khu 4, geh 6 càr tiah đah tô tàm gùl lơgar, geh ù tiah broă lơh kuơ màng tàm broă bơ\t bơtàu mờ sền gàr Dà lơgar.

Chủ tịch Quốc hội mò Nguyễn Thị Kim Ngân đơs là, bơh bồ nam 2020 tus tu\ do, tềng đăp mờ bơta kal ke bơh kòp Covid-19, Quân khu 4 neh lơh jăt niam gơnoar là anih tờm tam pà, tơnguh niam “4 tàm tiah tơn”, gàr niam bơta ờ do ờ dă. Kuơ màng, tàm nhai 10 lài do, tàm ù tiah Quân khu neh pơn jăt tơn gơtìp 5 dơ\ mìu càl dờng lơh hoàc huơr uă ngan bè kòn bơnus bal mờ phan bơna bơh Dà lơgar, làng bol bal mờ mpồl ling dê.

Chủ tịch Quốc hội mò Nguyễn Thị Kim Ngân dờp, đơs niam nùs nhơm lơh broă geh kơnòl, kơ\ nùs chính trị, lơh ngan sơrlèt mờ ală kal ke, glar bòl, chơ\t jê bơh kuang bàng, sỹ quan, cau lơh broă, cau ling tàm mpồl ling Quân khu 4 dê mờ sồr mpồl ling Quân khu 4 pal lơh ngan pràn kơl dang rơlao tai, lơh gơs geh cồng nha tơngu me broă geh ai, kơnòl bơ\t bơtàu mờ sền gàr Dà lơgar tàm rài pa.

Cau mblàng Ndong Brawl