VOV4.K’ho- Pơn jat tai dơ\ lòt còp mờ lơh broă tàm ală càr tiah ring dà dờng Cửu Long, ngai 25/11, Chủ tịch Quốc hội, mò Nguyễn Thị Kim Ngân mờ Mpồl kuang bàng bơh Quốc hội dê nEh lòt sền bơta tơrlah ù tàm xã Đất Mũi, kơnhòal Ngọc Hiển; còp, pà phan ală kơnòm bơsram tàm ấp Hợp tác xã, xã Tân Hưng, kơnhòal Cái Nước; còp mờ lơh broă mờ kuang đơng lam bồ Cụm khí – đèng – đạm Cà Mau, Kong ti Cổ phần lơh gơlik mờ broă drơng ala phan tàm dà Cà Mau.

Còp mờ lòt sền bơta tơrlah ù tàm xã Đất Mũi, kơnhòal Ngọc Hiển, càr Cà Mau, Chủ tịch Quốc hội, mò Nguyễn Thị Kim Ngân đơs nền, broă lơh rơcang sơndră tơrlah gah dà dờng, gah dà lềng geh sền là kơnòl broă sùm bơh ală kấp, ală gah broă lơh dê, kuơmàng là gơnoar atbồ kấp hơ đơm, bal mờ bơta tus bal bơh mpồl lơh broă, mpồl lơh sa kă bro mờ làng bol dê. Den tàng, Cà Mau pal sơlơ tơnguh broă yal tơnggit, mblàng jơnau, bơto pơlam tơngume nàng tơnguh jơnau git wă mpồl bơtìan bè rơcang sơndră tơrlah gah dà dờng, gah dà lềng.

Chủ tịch Quốc hội pà phan kơ nòm bơsram r[ah in

Tàm xã Đất Mũi, Chủ tịch Quốc hội Nguyễn Thị Kim Ngân neh chu yàng bơtau dà lơgar tàm hìu duh khoai Lạc Long Quân, jàu pria\ dong kờl bơsram ai kơnòm bơsram r[ah, kal ke tàm xã Đất Mũi in.

Kung tàm ngai 25/11, tus còp mờ lơh broă mờ kuang đơng lam bồ Cụm khí- đèng- đạm Cà Mau, mò Nguyễn Thị Kim Ngân, Chủ tịch Quốc hội đơs niam ngan Tập đoàn nhơm zờu  dê bulah gơtìp ua\ ngan bơta kal ke, mơya neh sơr lèt gan bơta lòng, nàng gàr niam phan lơh geh, broă lơh sa kă bro. Ngan là tàm tơngai dà lơgar geh ua\ bơta kal ke tài gơ rềng bơh kòp dờng Covid-19.

Chủ tịch Quốc hội còp Cụm khí - đèng - đạm Cà Mau

Chủ tịch Quốc hội pà g^t, mờr tus bơdìh mờ broă sền sơ wì, ai jơnau đơs tàm broă lơh tam gơl pa Adat nhơm zờu, tàm pơrjum bơh Ủy ban Thường vụ Quốc hội mờr tus geh cribơyai mờ yal tàm pơrjum dơ\ 11 bè broă lơh tă dia gơ wèt mờ ală hìu ma\y lơh gơlik phơng sih đơs bal, tàm hơ\ geh phơng sih bơh gah nhơm zờu dê, mơ kung sồr, Tập đoàn sền mờ mblàng ngan ngồn bè broă tam gơl broă lơh tă dia, jat kơrnoat pal gàr niam ai cau lơh broă sa in blơi phơng sih niam, pria\ tăc di pal.

Cau mblàng K’Duẩn mờ K’Hạnh