VOV4.K’ho - Mho òr (13/7), tàm hìu Quốc hội, Chủ tịch Quốc hội mò Nguyễn Thị Kim Ngân neh geh dơ\ tìp măt mờ ală kuang atbồ ală anih lơh broă ala măt lơgar Việt Nam tàm lơgar bơdìh tơngai lơh broă bơh nam 2017 tus 2020.

Chủ tịch Quốc hội mò Nguyễn Thị Kim Ngân wă ală kuang atbồ anih ala măt lơgar Việt Nam tàm lơgar bơdìh

Mò Nguyễn Thị Kim Ngân đơs tòm, kuang atbồ ală anih lơh broă ala măt lơgar Việt Nam tàm lơgar bơdìh pal sền kuơ broă drơng broă lơh làng bol lơgar Việt Nam kis tàm lơgar bơdìh in, mờ gàr niam làng bol, sền do là kơnòl geh lơh sùm.

Chủ tịch Quốc hội mò Nguyễn Thị Kim Ngân boh bơr mờ ờ uă kuang bàng

Anih lơh broă ala măt pal mùl màl là “Hìu ơm bal” là anih kơl dìng bè nùs nhơm, bè jơnau tơng^t, bè adăt boh lam ai làng bol ba mờ anih lơh sa kă bro lơgar Việt Nam in, mờ lam sồr kuang bàng tàm lơgar bơdìh ai tơl bơta [uơn làng bol lơgar Việt Nam in kis tơrgùm bal geh cồng nha tàm rài kis chính trị, lơh sa mpồl bơtiàn bơh lơgar hơ\ dê.

Quốc hội bal mờ kuang bàng Quốc hội geh sền gròi nền nòn broă lơh jăt ală gùng dà bal mờ broă lơh gơwèt mờ cau lơgar Việt Nam kis hờ lơgar bơdìh; broă lơh bơh ală anih lơh broă ala măt lơgar Việt Nam tàm lơgar bơdìh kung bè broă dong kờl mờ sền gàr làng bol, gơnoar mờ bơta kuơ bơh ală cau bal mờ broă lơh di pal mờ adăt boh lam lơgar Việt Nam dê tàm lơgar bơdìh.

Cau cih mờ yal tơng^t Ndong Brawl