VOV4.K’ho – Tàm hìu lơh broă Quốc hội, Chủ tịch Quốc hội, mò Nguyễn Thị Kim Ngân neh wă Đại sứ lơgar Lo, ồng Hùng Ba dờp kơnòl broă Đại sứ lơgar Lo tàm lơgar Việt Nam. Di tu\ 2 lơgar rơcang tơngkah 70 nam crơng gơs git gơp lơh broă bal. Chủ tịch Quốc hội kơp kờ` 2 gah pơgồp bal niam nàng lam lơh niam jơnau do. Việt Nam sùm sền dờng màng, bơtàu tơnguh git gơp ờs mờng mờ bơtàu tơnguh git gơp lơh broă bal kuơ màng tơl làm mờ lơgar Lo, sền do là 1 tàm ală broă lơh lài ngan, geh lơh sùm tàm chính sách lơh broă mờ lơgar ndai bơh Việt Nam dê.

Tu\ do, Lo là lơgar lơh broă bal khà dùl bơh lơgar Việt Nam dê mờ Việt Nam là lơgar lơh broă bal khà dùl bơh lơgar Lo dê tàm tiah ASEAN. Den tàng, kuang đơng lam bồ 2 lơgar geh kơ nòl bơtàu tơnguh git gơp lơh broă bal ờs mờng mờ bơtàu tơnguh git gơp lơh broă bal kuơ màng tơl làm nàng làng bol 2 lơgar in git wă bal mờ gơp rlau tai, tam klac bal mờ gơp, dong kờl ală chính sách bơh tơl lơgar dê.

Cau mblàng K’Duẩn