VOV4.K’ho – Ngai òr (15/5), Chủ tịch Quốc hội, mơlà Chủ tịch Thượng viện lơgar Myanmar ồng Mahn Win Khaing Than còp ngan ngồn lơgar Việt Nam. Tơnơ\ dơ\ wă rò, Chủ tịch Quốc hội Myanmar neh geh dơ\ tìp mat cri bơyai broă mờ Chủ tịch Quốc hội Việt Nam mò Nguyễn Thị Kim Ngân. 2 gah ring bal geh bal mờ gơp dong kờl bè broă lơh adat boh lam nàng dong mpồl lơh sa kă bro 2 lơgar sơlơ tam klac bơcri priă kă bro. Mơkung pơnjat tai chul chồl broă ki\ ală jơnau ringbal tam klac tàm ală gah lơh sa suơn sre, brê bơ nơm, phan tàm dà, chài rơgơi, gùng lòt pơn diang phan, priă jền, adat boh lam, bơto bơsram mờ sơlơ tam klac sền gàr dà lơgar, sền gàr ngap lơngai. Tàm [ùi mho, Tổng Bí thư Nguyễn Phú Trọng neh wă Chủ tịch Quốc hội Myanmar ồng Mahn Win Khaing Than. Tổng Bí thư đơs tờm broă lơh ờ tam gơl bơh Việt Nam dê là sền dờng màng bơtàu tơnguh mờ rề ơnàng git gơp lơh bơyô mờ tam klac uă gah mờ Myanmar. Kung tàm mho òr, Thủ tướng Nguyễn Xuân Phúc neh wă Chủ tịch Quốc hội Myanmar. Thủ tướng sồr 2 lơgar pơn jat tai pơgồp nền nòn tàm tơngume ASEAN mờ ală cribơyai dunia, chồl pràn tìp mat cri bơyai làng bol. Chủ tịch Quốc hội Myanmar đơs tờm, Myanmar sùm sền dờng màng jơnau đơs bơh ală lơgar dê tàm bơta dà lềng đah mat tơngai lik, pơnjat tai pơgồp bal mờ ală lơgar ASEAN nàng mut lơh tơl làm jơnau yal bơr bè broă lơh bơh ală gah dê tàm dà lềng đah mat tơngai lik DOC, kung bè chul chồl mhar wèt tus ală kơrnuat lơh broă tàm dà lềng đah mat tơngai lik COC.

                    Cau cih mờ yal tơnggit K’Duẩn