VOV4.K’ho – Ngai òr, 13/3, Chủ tịch Quốc hội Nguyễn Thị Kim Ngân neh geh dơ\ lơh broă mờ kuang đơng lam bồ tờm ngan càr Điện Biên. Jat Bí thư càr Điện Biên Trần Văn Sơn, Điện Biên là càr kơh bơnơm đah tô mattơngai mut dà lơgar, geh 130 xã, sơnah [òn, thị trấn den geh tus 110 xã kal ke mờ rềp tiah nhàr dà lơgar. Bulah bè hơ\, nam 2016, dơ\ sơn rờp, Điện Biên lơh geh khà tă dia càr dê tus 7 rbô 425 tơmàn priă, sơr lèt rlau 10% khà kờp du\ geh jàu. Bí thư càr Điện Biên Trần Văn Sơn dan mờ Chủ tịch Quốc hội sền gròi broă rơndap ai priă bơcri gam ờ tơl rlau 596 tơmàn priă nàng Điện Biên bơcri lơh jơh rơndap broă bơt bơtàu phan bơna kuơ màng tàm ală [òn ơm kis pa bơh rơndap broă lơh hìu mai\ pờ tơlik ồs đèng Sơn La bal mờ ờ uă broă lơh dong kờl càr bơtàu tơnguh. Chủ tịch Quốc hội Nguyễn Thị Kim Ngân đơs là, tu\ do Điện Biên gam geh khà hìu nhă r[ah uă ngan rlau jơh gùt lơgar, mơya Điện Biên kung geh bơta pràn bè nhơl chờ. Điện Biên digơlan r[ah bè lơh sa, mơya ờ r[ah bè chài rơgơi, den tàng Chủ tịch Quốc hội sồr kuang đơng lam bồ càr do pal mut lơh li la ală bơta broă lơh nhơl chờ; bơt bơtàu [òn lơgar pa pơgồp bal mờ tơnjơh jơgloh tơmù r[ah; bơcri priă ai làng bol in bơtàu tơnguh lơh sa, gàr kơ\ chính trị, sền gàr ngap lơngai tiah nhàr dà lơgar.