VOV4.K’ho – Mho òr, 24/3, tàm hìu lơh broă Quốc hội, Chủ tịch Quốc hội Nguyễn Thị Kim Ngân tìp mat 20 nă cau ala mat ơruh pơnu Kuang àng geh pơn rơ jak nam 2016 geh cồng nha jak ngan tàm broă bơsram sră, pơlam tàp, lơh broă, pơ gồp bơnah gàr kơ\ ngap lơngai dà lơgar, sền gàr ờ do ờ dă mpồl bơtiàn. Tàm dơ\ tìp mat, Chủ tịch Quốc hội Nguyễn Thị Kim Ngân đơs là, đoàn viên, ơruh pơnu Kuang àng làng bol neh sùm bơtàu tơnguh bơhìan “Tềng lơi Đảng kờ`, ơruh pơnu geh; broă lơh kal ke, geh ơruh pơnu”, mut lơh niam kơnòl chính trị, bơyai lam lơh geh cồng nha uă srơh pơr lòng, tă pơgồp jơh nùs tàm broă tam dră cau tìs, sền gàr ngap lơngai, ờ do ờ dă. Chủ tịch Quốc hội ràng tơlik bơta sền ngềr ală cồng nha bơh ơruh pơnu kuang àng dê bè rlau 500 broă lơh, 1 rbô bơnah broă ơruh pơnu, lơh broă dong kờl is “3 bal”, “4 bal” mờ làng bol. Bal mờ hơ\ là ală srơh geh kuơ bơh cau kơnòm să kuang àng dê bè “Hìu 19 nhai 8”, “70 nơm hìu nùs nhơm, 70 anih kham sơm kòp”, “ơruh pơnu lam lài tàm broă tam gơl sră nggal hành chính”.

             Cau cih mờ yal tơnggit K’Duẩn