VOV4.K’ho- Drim òr 12/1, Mò Nguyễn Thị Kim Ngân, Chủ tịch Quốc hội tus Pơrjum mu\t lơh kơ nòl broă nam 2017 bơh Văn phòng Quốc hội dê. Mò Nguyễn Thị Kim Ngân pà gi\t: Tàm nam do, Quốc hội rơcang geh ring bal 24 rơndăp lơh adat, ai jơnau đơs 14 rơndăp lơh adat; mu\t lơh gròi sền dờng ngan rlau jơh 2 tơngume mờ sền sơ wì, lơh nền uă chính sách kuơmàng. Bơnah broă lơh bơh Quốc hội dê là uă ngan. Pơn jat hơ\, broă lơh bơh Văn phòng Quốc hội dê kung geh sơlơ gơguh tai bal mờ jơnau sồr bè cồng nha dong broă ngai sơlơ uă. Mò Nguyễn Thị Kim Ngân sồr, Văn phòng Quốc hội kờn pal tơnguh jơnhoa gơnoar broă, kơnòl broă, nhhap nhhar, bơceh pa, pơn jat tai tam gơl pa nàng tơnguh jơnhoa cồng nha, bơta niam broă lơh. Mò Nguyễn Thị Kim Ngân kung tơngkah, Văn phòng Quốc hội kờn pal pơn jat tai lơh kơ\ kơl jăp mpồl kuang bàng, ngan là tơnơ\ tu\ dờp cau lơh broă sa priă nhai dà lơgar, cau lơh broă 63 Văn phòng Mpồl kuang bàng Quốc hội ală càr mờ [òn dờng dê rê gơ wèt bal Văn phòng Quốc hội.

Cau cih mờ yal tơng^t: Lơ Mu K’ Yến