VOV4.K’ho- Mho ngai 3/12, tàm hìu lơh broă Quốc hội, mò Nguyễn Thị Kim Ngân, Chủ tịch Quốc hội tìp mat 100 nă cau ala mat pơn rơ jak ală jơi bơtìan kòn cau tus bal Pơrjum dờng jơi bơtìan kòn cau gùt lơgar dơ\ 2 nam 2020.

                                  Chủ tịch Quốc hội cùp rùp kir sơn rai mờ ală cau ala mat jơi bơtìan kòn cau

Chủ tịch Quốc hội đơs sùm, gùng dà broă lơh ờ tu\ lơi tam gơl bơh Đảng, Dà lơgar he dê bè broă lơh kòn cau là broă lơh jo\ jòng, kuơ màng là kơnòl broă bơh gùt Đảng, gùt làng bol, gùt ling klàng, jơh bal ală anih lơh broă chính trị dê. Bulah dà lơgar gam gơtìp ua\ ngan kal ke mơya Đảng dà lơgar, Quốc hội, Chính phủ, ală kấp, ală gah sơnah lơh broă neh lời pria\ jền bơcri pria\ bơtàu tơnguh lơh sa- mpồl bơtìan tiah làng bol kòn cau mờ tiah kơh bơnơm in.

 Ala mat kuang bàng đơng lam Đảng, Dà lơgar, mò Nguyễn Thị Kim Ngân, Chủ tịch Quốc hội cih dờp, jơng rơ mờ đơs niam ngan làng bol ala jơi bơtìan kòn cau gùt lơgar neh tă pơgồp di pal dà kơl hề bơh he dê tàm broă lơh bơt bơtàu mờ sền gàr dà lơgar; mơ kung sồr ală cau ala mat pơn rơ jak ngan do geh là cau tờm lơh ngan rề ơ nàng, lơh geh bơta gơ kờ` nàng bơt bơtàu mpồl tam klăc dờng ală jơi bơtìan kòn cau kơ\ kơl jap rlau tai.

Cau mblàng K’ Hạnh