VOV4.K’ho- Di Ngai Cau pơgru Việt Nam 20/11, tàm Hìu Quốc hội, mò Nguyễn Thị Kim Ngân Chủ tịch Quốc hội pa geh dơ\ tìp măt mờ ală cau pơgru bal mờ kuang bàng ătbồ bơto bơtê pơnrơ jak nam 2020. Ala măt kuang bàng đơng lam bồ Đảng, Dà lơgar, Chủ tịch Quốc hội tơlik nùs nhơm tơngo\ bơta kah rơngal, gi\t ưn ngài gơ wèt mờ ală dà kơlhề tă pơgồp ngềt ngơ\t bơh ală cau pơgru dê; jờng rơ, đơs niam ngan bơta lơh ngan pơđơl pràn ngan mờ cồng nha lơh geh bơh gah bơto bơtê dê tàm sùm tu\ tơngai lài.

Chủ tịch Quốc hội jờng rơ ală cau pơgru pơnrơ jak

Mò Nguyễn Thị Kim Ngân sồr gah bơto bơtê sền gròi 5 kơnòl broă tờm, hơ\ là pơn jăt tai lơh jăt niam ală jơnau sồr, gùng dà bơh Đảng dê, kơrnoat boh lam Dà lơgar dê bè bơtàu tơnguh bơto bơtê; pơn jăt tai lam lơh geh cồng nha ală adat, kơrnoat bơh Quốc hội dê bè bơto bơtê. Tàm hơ\, pal sền ngăc bơyai lơh lùp sền wơl, ki\ ring bal sră măy mờ sră nggal bơto bơtê [òn lơgar jăt tu\ tơngai, pal niam mờ priă jền tăc bro dipal.

Cau mblàng Lơ Mu K’Yến