VOV4.K’ho- Mho ngai 30/12, càr Bến Tre bơyai lơh pơrjum tìp mat tơngkah 75 nam Ngai te\ khà sơn rờp bơh Quốc hội Việt Nam dê (6/1) mơkung tơn jơh tơngai lơh broă khóa 14 (bơh nam 2016 tus nam 2021) bơh Mpồl kuang bàng Quốc hội càr Bến Tre dê. Chủ tịch Quốc hội, mò Nguyễn Thị Kim Ngân neh tus bal dơ\ tìp mat. Lòt gan 75 nam crơng gơs mờ bơtàu tơnguh, Quốc hội lơgar he dipal ngan là anih lơh broă bơh làng bol pồ, là anih lơh broă dà lơgar geh gơnoar dờng ngan rlau jơh, ala mat ai nùs nhơm mờ bơta kơp kờ` bơh jơh gùt làng bol dê.

Đơs tàm dơ\ tìp mat, Chủ tịch Quốc hội sồr tơngai tus, Mpồl kuang bàng Quốc hội mờ ală kuang bàng Quốc hội càr Bến Tre pal pơn jat tai tơnguh gơ noar broă, kơ nòl broă, tơnguh cồng nha lơh broă, tă pơgồp jơh nùs tàm bơta bơtàu tơnguh bơh càr mờ dà lơgar dê; sền gròi tus broă lơh crơng gơs adat boh lam, sền gròi tus ală broă gơlik geh tàm kấp hơ đơm, ală broă cau te\ khà ờ suk dan mờ Quốc hội, Chính phủ tàm broă bơt bơtàu broă lơh, bơta dong kờl; tơnguh cồng nha ală dơ\ tìp mat cau te\ khà, iat bơta kơp kờ` bơh làng bol dê.

Cau mblàng K’Duẩn