VOV4.K’ho-Mho mang ngai 23/12, tàm hìu lơh broă Quốc hội, mò Nguyễn Thị Kim Ngân Chủ tịch Quốc hội, Kuang atbồ Mpồl đơng lam dà lơgar AIPA dơ\ 41 neh đơng lam Pơrjum tơn jơh Nam Chủ tịch Pơrjum dờng ală Nghị viện Hiệp hội ală lơgar tiah đah Jum Mat tơngai lik châu Á nam 2020 (Chủ tịch AIPA nam 2020) mờ Pơrjum dờng ală Nghị viện ală lơgar tiah đah Jum mat tơngai lik châu Á dơ\ 41 (AIPA 41).

Đơs tàm dơ\ pơrjum, mò Nguyễn Thị Kim Ngân, Chủ tịch Quốc hội, Chủ tịch AIPA dơ\ 41, Kuang atbồ Mpồl đơng lam dà lơgar AIPA dơ\ 41 đơs nền, cồng nha Nam Chủ tịch AIPA 2020 mờ Pơrjum dờng AIPA dơ\ 41 tàm tơngai bềng ală bơta kal ke pà go\ bơta khin cha mờ geh kơ nòl bơh Quốc hội Việt Nam dê. Sơn rờp bơh tàm bồ nam tơn tu\ kòp sơn đờm geh bơta tơngo\ bơ tờp ua\, Quốc hội Việt Nam neh rcang lài bơt bơtàu ală broă lơh ai nam Chủ tịch AIPA in, tơ nơ\ hơ\ cribơyai mờ ală lơgar tàm mpồl geh ală jơnau đơs tam gơl niam ală broă lơh tus mờ broă lơh pờ tơlik tơn tàm internet.

Cồng nha bơh Nam Chủ tịch AIPA 2020 mờ Pơrjum dờng AIPA dơ\ 41 sơ lơ đơs nền  broă lơh lơh broă mờ lơgar ndai bơh Quốc hội Việt Nam dê đơs is mờ lơh broă mờ lơgar ndai bơh lơgar Việt Nam dê đơs bal pơn jat tai ai dà lơgar he dê tă pơgồp gơ noar broă dunia ngai sơ lơ kuơ màng tàm mpồl bơtìan tàm tiah do mờ tàm dunia dê.

Cau mblàng K’ Hạnh