VOV4.K’ho- Drim ngai 12/4, tàm Hà Nội geh lơh Pơrjum yal Nghị quyết bơh Quốc hội dê bè pồ Tổng Kiểm toán dà lơgar tơngai lơh broă bơh nam 2016 tus nam 2021 mờ tàm jàu broă lơh bơh Tổng Kiểm toán dà lơgar dê. Ala mat kuang đơng lam bồ Đảng mpồl Quốc hội, Ủy ban Thường vụ Quốc hội, Chủ tịch Quốc hội ồng Vương Đình Huệ nting bơr gờm chờ Kiểm toán dà lơgar pa, ồng Trần Sỹ Thanh geh Quốc hội pồ mờ khà sră pồ uă.

Ồng Vương Đình Huệ, Chủ tịch Quốc hội pin dờn là, ồng Trần Sỹ Thanh bal mờ mpồl kuang bàng duh broă Đảng, đảng ủy mờ anih lơh broă Kiểm toán dà lơgar pơn jat tai đơng lam bồ Kiểm toán dà lơgar lam lơh kơnòl broă dờng màng neh geh sơnua boh lam cih. Chủ tịch Quốc hội, ồng Vương Đình Huệ đơs nền, Kiểm toán dà lơgar pal sơlơ pơgồp bal jơh nùs mờ ală anih lơh broă geh gơnoar tàm broă sền sơ wì, bơsong ală broă lơh tìs, tơnguh cồng nha tam dră, rơcang sơndră sa kuề sa kuà, hoàc huơr, git gŏ, lơh glài kràñ ală broă lơh tìs, broă ờ niam tàm broă kiểm toán kung bè tàm broă lơh atbồ, ngui priă jền, phan bơna dà lơgar dê.

Cau mblàng K’Duẩn