VOV4.K’ho –  Drim ngai 19/8, tàm hìu lơh broă Quốc hội, Chủ tịch Quốc hội, mò Nguyễn Thị Kim Ngân tus bal dơ\ tơngkah 75 nam ngai Kac màng nhai 8 pha lin, 75 nam Quốc dân Đại hội Tân Trào, jàu pà Huân chương Lao động mờ Bằng khen bơh Thủ tướng Chính phủ dê ai ală cau geh cồng nha jak ngan tàm tu\ lơh broă, pơgồp bơnah tàm broă lơh bơt bơtàu Chủ nghĩa xã hội mờ sền gàr dà lơgar.

Chủ tịch Quốc hội kơp kờ`, ală cau dùl nă să geh dờp ală khà jờng do ngai do, tàm khat dùl bơta lơi halà tàm gơnoar broă lơi geh pơn jat tai tơnguh bơhìan ờs mờng bơh cau ala mat làng bol dê, sùm wèt tus jơnau kờ` drơng broă dà lơgar, drơng broă làng bol in; pơn jat tai geh ală tă pơ gồp ai broă lơh tam gơl pa mờ bơtàu tơnguh bơh dà lơgar dê in.

Tàm dơ\ bơyai lơh, Chủ tịch Quốc hội, mò Nguyễn Thị Kim Ngân jàu pà Huân chương Lao động khà dùl ai Phó Chủ tịch Quốc hội, ồng Uông Chu Lưu, Phó Chủ tịch Quốc hội, ồng Phùng Quốc Hiển, Tổng Thư ký, Chủ nhiệm Văn ơhòng Quốc hội, ồng Nguyễn Hạnh Phúc in. Jàu Huân chương Lao động khà bàr ai 6 nă cau dùl nă să in.

Cau mblàng K’Duẩn