VOV4.K’ho- Drim òr (01/7), tàm Hìu Quốc hội, Chủ tịch Quốc hội mò Nguyễn Thị Kim Ngân neh wă mò Cecilia Malmström, Cao ủy drơng broă kă bro bơh Mpồl tam klăc châu Âu (EU) dê.

Chủ tịch Quốc hội chờ gờm 2 gah ki\ ngan ngồn Hiệp định kă bro khat gơ boh  (EVFTA) mờ Hiệp định Dong kờl bơcri priă (IPA); tơngo\ bơta kơ\p kờ` geh pơn jat tai dờp geh bơta dong kờl, lơh broă bal niam bơh đah EU nàng 2 Hiệp định gờ` geh mut ngui ngan ngồn, cèng wơl bơta kuơ ngan ngồn ai làng bol, mpồl lơh sa kă bro Việt Nam mờ EU in.

Việt Nam hơ geh lơh jat jơh nùs ală bơta neh hơ pơr gon; sùm iăt kơno bơta tă pơgồp bơh EU dê tàm broă rcang Hiệp định kung bè broă lơh ală adat boh lam di pal mờ kơrnoat dunia dê.

Mò Cao ủy drơng broă kă bro Mpồl tam klăc châu Âu đơs ngan, EU rcang pơn jat tai dong kờl Việt Nam geh ală broă lơh tam gơl pa sră nggal nàng lơh jat ală jơnau hơ pơr gon tàm tu\ mut lơh 2 Hiệp định do.

Cau mblàng K’ Hạnh