VOV4.K’ho- Mho òr 16/2, mò Nguyễn Thị Kim Ngân, Chủ tịch Quốc hội wa\ rò Mpồl kuang bàng ala mat càr Gunma bơh ồng Osawa Masaaki, Kuang atbồ càr Gunma lam bồ gam còp mờ lơh broă tàm Việt Nam. Mò Nguyễn Thị Kim Ngân đơs ngan là, Quốc hội Việt Nam geh lơh jơh pràn he dê nàng bơtàu tơnguh rlau tai bơta gi\t gơ\p đah Việt Nam mờ Nhờk tàm ală broă. Tu\ do, geh pơgăp 3 rbô nă cau Việt Nam ơm kis, bơsram sră mờ lơh broă tàm càr Gunma, tàm hơ\ geh 1088 nă cau bơsram broă lơh. Chủ tịch Quốc hội ưn ngài bơta sền gròi dong kờl mờ Gơnoar atbồ bal mờ làng bol càr Gunma neh lời ai mpồl bơtiàn cau Việt Nam tàm tiah do in mờ sồr ồng Osawa Masaaki dong kờl lơh geh tơl ală bơta niam tàm broă dờp cau tus bơsram broă lơh măy mok lơgar Việt Nam dê tus lơh broă tàm ală broă lơh geh bơta pràn bơh càr dê.

Cau cih mờ yal tơngi\t- Lơ Mu K’ Yến