VOV4.K’ho- Mho mang òr (10/6), tàm Hìu Quốc hội, Chủ tịch Quốc hội mò Nguyễn Thị Kim Ngân wa\ rò Phó Chủ tịch Hạ viện lơgar Czech, Chủ tịch Đảng Cộng sản lơgar Czech, ồng Morava Vojtech Filip. Tàm dơ\ wa\ rò, mò Nguyễn Thị Kim Ngân Chủ tịch Quốc hội ưn ngài lơgar Czech neh dong kờl lơgar Việt Nam tơlik mat te\ khà lơh lơgar geh jơng ờ duh broă sùm tàm Hội đồng Bảo an Liên hợp quốc tơngai lơh broă bơh nam 2020- 2021; jờng rơ ngan đah lơgar Czech neh dùl nùs bal, lơh bơta gi\t gơ\p tam klac bal mờ lơh broă bal tơl làm đah Việt Nam mờ EU, kờ` bal Hiệp định kă bro khat gơboh đah Việt Nam mờ EU mờ Hiệp định sền gàr dong kờl bơcri priă, dong ală mpồl lơh sa kă bro EU.

Lơh broă bal đah Quốc hội Việt Nam mờ Nghị viện Czech tàm tơngai lài sùm geh lơh kơ\ kơl jăp, bơtàu tơnguh niam bơne\ bal mờ broă ai ală mpồl kuang bàng lòt còp bal mờ gơ\p, cribơyai mờng chài lơh broă nghị viện mờ pơgồp bal, dong kờl bal mờ gơ\p tàm ală dơ\ pơrjum nghị viện uă lơgar. Bè bơta gi\t gơ\p đah Quốc hội, Hạ viện 2 lơgar, Phó Chủ tịch Hạ viện lơgar Czech kơ\p kờ` kuang đơng lam bồ Quốc hội ai tơl bơta niam ai ală ủy ban pơgồp bal in, dong sơlơ tơnguh lơh kơ\ kơl jăp rlau tai bơta gi\t gơ\p đah 2 lơgar.

Cau mblàng Lơ Mu K’Yến