VOV4.K’ho - Drim òr (08/03), mpồl kuang bàng lơh broă geh ồng Võ Ngọc Thành, Chủ tịch UBND càr Gia Lai lam bồ neh tus pà bơjào chờ gờm mpồl tam klăc cau ùr càr di 1981 nam ntào tam lơh Hai Bà Trưng mờ 111 nam ngai dunia cau ùr.

                       Chủ tịch UBND càr Gia Lai pà bơkào chờ gờm mpồl tam klăc cau ùr càr

Chủ tịch UBND càr Gia Lai đơs niam mpồl cau ùr kuang bàng, cau tàm mpồl cau ùr gùt càr tơngai do neh lơh ngan pơrlòng nàng gơs ală cau ùr “Jăk broă dà lơgar, tơriang broă hìu”, geh uă broă lơh niam, bơceh lơh tàm ală broă lơh, tàm hơ\ uă ngan là lơh geh cồng nha ală broă pơrlòng kờ` gơboh mờ dà lơgar, pơgồp bal kuơ màng tàm broă tơnguh bơtàu bal càr dê.

Tàm dơ\ tìp măt, Chủ tịch mpồl tam klăc cau ùr càr mò Rơ Chăm H’ Hồng ala măt kuang bàng, cau tàm mpồl cau ùr gùt càr tơl^k nùs nhơm lơh ngan pơn jăt tai tơnguh nùs nhơm tam klăc bal, bơhiàn khin cha jăk chài bơh cau ùr lơgar Việt Nam dê nàng bơ\t bơtàu mpồl cau ùr ngai sơlơ pràn kơl dang, lơh gơs jăk chài broă lơh jăt Nghị quyết pơrjum dờng cau ala măt Đảng bộ càr dơ\ 16 tơngai lơh broă bơh nam 2020 tus 2025 neh ai mờ ală broă pơrlòng, kơnòl tờm broă lơh mpồl neh geh ai tàm nam 2021 do.

Cau mblàng Ndong Brawl