VOV4.K’ho – Drim òr, 20/12, tàm Hà Nội, Mpồl tam klac mpồl lơh sa bal Việt Nam bơyai lơh pơrjum jờng rơ ală cau pơn rơ jak mpồl lơh sa bal gùt lơgar mờ tơn jơh, jàu khà jờng dơ\ pơr lòng jòi git ală broă lơh mpồl lơh sa bal pa. Tàm pơrjum, Chủ tịch Ủy ban Mặt trận dà lơgar Việt Nam ồng Nguyễn Thiện Nhân đơs niam cồng nha bè tac phan hờ lơgar ndai bơh gah lơh sa suơn sre dê tàm tu\ lơgar he pal kong uă jơnau gơlời wơl bơh trồ tiah lơh aniai tàm nam do. Ồng Nguyễn Thiện Nhân đơs là, wèt tus bơta mut gơ rờm bal, bơta tàm pơr lòng ngai sơlơ dờng, kờ` phan lơh gơs, ngan là phan lơh gơs bơh suơn sre pal geh bơta niam uă rlau, ờ do ờ dă rlau, tơl hìu nhă lơh broă is ờ gơtùi tàm pơr lòng jo\ jòng. Den tàng pal crơng gơs ală mpồl lơh sa bal pa, tàm hơ\ lơh sa hìu nhă geh dong kờl pràn rlau, bơh mpồl lơh sa bal geh anih blơi, mut ngui khoa học công nghệ mờ tac phan lơh gơs.

                                                                                Cau cih mờ yal tơnggit K’Duẩn