VOV4.K’ho- Chủ tịch Ủy ban Nhân dân càr Lâm Đồng neh lòt còp mờ pà phan ai mpồl cau lơh kơnòl broă tàm anih gròi sền rơcăng sơndră kòp Covid-19 tàm gùng rơndeh dờng 20 tàm kơnhoàl Dà Oai. Anih gròi sền rơcăng sơndră kòp Covid-19 tàm gùng rơndeh dờng 20 tàm kơnhoàl Dà Oai geh lơh bơh ngai 30/1 lài do. Kờp bal pah ngai, mpồl lơh kơnòl broă tàm do sồr rlau 5 rbô nơm rơndeh ală bơta tơkơn nàng sền swì bal mờ rlau 17 rbô nă cau bơh bơdìh càr mu\t tàm Lâm Đồng tàm gùng rơndeh dờng 20.

Chủ tịch Ủy ban Nhân dân càr Lâm Đồng còp anih gròi sền rơcăng sơndră kòp Covid-19 tàm gùng rơndeh dờng 20

Ồng Trần Văn Hiệp Chủ tịch Ủy ban Nhân dân càr Lâm Đồng neh còp să, pơndờm pơnđiang nàng ală mpồl lơh kơnòl broă tàm anih gròi sền rơcăng sơndră kòp Covid-19 in lơh ngan sơrlèt gan kal ke lơh gơs niam kơnòl broă geh jàu; mơkung sồr ală kấp, ală gah mờ ală tiah geh gơrềng pal ai cau, rơndeh rơndồ phan ngui lơh broă mờ ai tơl ală bơta niam nàng mpồl lơh kơnòl broă sền gròi rơcăng sơndră kòp Covid-19 lơh broă geh cồng nha, ờdo ờdă, lơh niam broă lơh rơcăng sơndră kòp tàm tiah he dê.

Cau mblàng Lơ Mu K’Yến