VOV4.K’ho – Mho òr 17/12, tàm Hà Nội, Thượng tướng Tô Lâm kuang jat jơng atbồ Gah Kuang àng dà lơgar Việt Nam wa\ rò ồng Theodore Osius kuang atbồ Anih lơh broă ala mat lơgar Mỹ tàm lơgar Việt Nam.

Đơs tàm dơ\ wa\, Thượng tướng Tô Lâm chờ gờm ồng Theodore Osius lòt còp mờ lơh broă mờ Gah Kuang àng dà lơgar Việt Nam; tơlik nùs nhơm chờ hờp tềng đap bơta bơtàu tơnguh bơta gi\t gơ\p tam klac lơh broă bal đah bàr lơgar tàm ală broă tàm tơngai lài, ngan là kờp bơh tu\ bàr lơgar crơng gơs bơta gi\t gơ\p tam klac lơh broă bal tơl làm. Bơh hơ\, lơh geh bơta kuơ ai làng bol 2 lơgar in mờ tă pơgồp tàm broă lơh sền gàr bơta ring lơngai, kơ\ kơl jăp mờ tam klac lơh broă bal bơtàu tơnguh tàm tiah do. Kuơmàng, tàm nam 2015, là dùl tu\ tơngai pa tàm bơta gi\t gơ\p đah Việt Nam mờ Mỹ tơnơ\ tu\ ồng Nguyễn Phú Trọng kuang atbồ đơng lam Đảng dà lơgar Việt Nam geh dơ\ lòt còp kah yau tus lơgar Mỹ mờ tìp mat cribơyai broă mờ ồng Barack Obama kuang atbồ lơgar Mỹ tàm Hìu duh broă Gơnoar atbồ lơgar Mỹ dê tàm bồ nhai 7 pa do. Tàm dơ\ lòt còp do, bàr lơgar neh geh Jơnau yal bơr broă rơndăp lơh mờ bơta kơlôi sơnơng bal đah Việt Nam mờ Mỹ, lơh jrô ơnàng tai bơta gi\t gơ\p tam klac lơh broă bal tơl làm đah bàr lơgar, tài bơta ring lơngai, kơ\ kơl jăp, tam klac bal mờ bơtàu tơnguh tàm tiah do mờ tàm dunia.

Cau cih mờ yal tơngi\t- Lơ Mu K’ Yến