VOV4.K’ho- Ồng Cil Ha Kròng, kòn cau K’ Ho, kis tàm [òn 3, xã Liêng Srônh, kơnhoàl Dam Rong, càr Lâm Đồng là dùl nă làng bol lơh broă sa lam lài tàm rài kis… Tàm hơ\, ồng geh pơnyờ să ngan dờp sră jờng rơ bơh UBND càr Lâm Đồng jào pà bè cồng nha geh pơnrơ ngan tàm broă bơsram mờ lơh jăt ơnà jăk, nùs nhơm niam, broă lơh bơh Bác Hồ dê.

Nam 1986, rê bơh ù tiah [òn lơgar mò pàng lài do bơh Dà Mpao gơwèt kơnhoàl Lâm Hà, klao pơnu Cih Ha Kròng bal mờ làng bol kis tàm [òn neh rơwah tiah bơnơm Liêng Srônh nàng lơh sa mờ ơm kis. Kờ` ơm kis kơ\ dùl bă tiah, ală hìu làng bol do, gơnoar atbồ tàm do neh lam sồr làng bol ba` mus brê, mờ tus bal tàm broă lơh kòi sre nàng geh tơl phan sa. Cil Ha Kròng neh lơh jăt jơnau bơto sồr bơh kuang bàng bơto pơlam broă lơh sa suơn sre dê, geh kuang bàng bơto pơlam broă lơh sa suơn sre bơto bè broă lơh kòi sre, tơnơ\ mờ hơ\, bi pơn jăt tai bơsram tàm broă tam kơphe.

Nam 1997, ồng geh gơnoar atbồ xã, kung bè làng bol tàm [òn pin dờn pờ lơh kuang atbồ [òn. “Bơh nam 1997, a` geh pồ lơh kuang atbồ [òn, bơh tu\ hơ\ a` geh tus bal mờ ală ơdu\ bơto bè broă lơh kòi sre, jòi ù tam kơphe. Đảng, Dà lơgar neh sền gròi lam sồr, bơto tàm broă lơh sre.

Lài ngan mè bèp kơrian ờ ai lơh sre, mơya a` dờn jăt gơnoar atbồ xã, rồ ù lơh sre mờ lơh kòi tàm 2 nam, tơnơ\ mờ hơ\, oh mi go\ a` geh tơl phe nàng sa den đòm jăt bal, mờ tơnơ\ mờ hơ\ a` geh bơsram tàm broă tam kơphe nàng tơnguh rài kis, jòi ù tiah ring, rơcang dà tuh nàng tơnguh bơtàu tòm kơphe, ờ tam tàm ù dòr `hoa tài di lah bè hơ\ den ờ geh cồng nha”.

Geh broă sền gròi, dong kờl bơh sơntìl phan tam, ồng Cil Ha Kròng neh càn priă bơcri tàm bă ù tam kơphe. Pơn jăt tai ồng gam tam bơrlu\ bal 200 tờm sầu riêng. Bơdìh hơ\ tai, ồng gam ròng tai phan rơpu, kơnrồ, sur, iar, ơda… Nam pa do bu\ lah trồ tiah ờ niam, mơya cồng nha phan tam hìu nhă ồng kung gam geh tơnhào uă. Nam 2020 pa do, mờ bă ù ơnàng 8 lồ suơn kơphe, hìu nhă ồng tơnhào geh rơlao 24 tấn gar, bal mờ ală khà priă bơh broă lơh sa ndai, hìu nhă ồng geh rơlao 900 tơlăk đong.

Lơh jăt dơ\ lam sồr bơsram mờ lơh jăt nùs nhơm niam, ơnà jăk, broă lơh bơh Bác Hồ dê, Ban Thường vụ Huyện uỷ Dam Rong, càr Lâm Đồng neh lơh mùl màl jơh ală sră nggal di pal mờ bơta mùl màl tàm tiah do nàng đơng lam lơh jăt. Tàm hơ\ uă ngan, dơ\ lam sồr ờ mìng geh lơh tàm mpồl kuang bàng, cau geh đảng, tàm ală anih lơh broă, gah lơh broă mờ gam geh lơh tus mờ [òn lơgar.

Bơh broă lam sồr do, cau lơh broă sa Cil Ha Kròng sơlơ wă rơlao bè ală nùs nhơm niam, broă lơh bơh Bác Hồ dê. Bơh tu\ hơ\, ồng sơlơ geh bơta pràn nàng drơng gàr broă lơh sa. Kis g^t tam pà bal mờ ală cau gơtìp kal ke rơlao mờ să tờm, bơto bơtê bal tàm broă lơh sa nàng làng bol klàs mờ rơ[ah: “Bơsram jăt ơnà jăk, nùs nhơm niam Bác Hồ dê jăt a` g^t, lài ngan Bác Hồ neh jơh rài phi să tài dà lơgar tài làng bol, drơng gàr dà lơgar he in. Jơh rài kis Bác Hồ bơh jơnau đơs tus mờ broă lơh ndrờm geh pơgồp bal, lòt tàm tiah lơi Bác Hồ kung lam lài, ndrờm àng sơrdah.

Bác Hồ neh ai làng bol he in geh rài kis lơngăp lơngai bè tu\ do. He ờ gơtùi bơsram drờm bal mờ Bác Hồ jơh ală bơta, mơya ờ uă ngan kung pal bơsram bơh broă dềt ngan Bác Hồ dê, bè bơsram tàm broă kờ` gơboh bal mờ ală cau, g^t tam pà bal mờ rài kis kal ke, tàm hìu nhă pal gơboh mờ bao kòn, lam lài mờ oh mi [òn lơgar tàm [òn. Di lah geh tơl bơta den kung pal tam pà bal mờ oh mi [òn lơgar gùt dar he.

Ală cồng nha mờ hìu nhă ồng Cil Ha Kròng neh lơh geh tàm tơngai do neh pơgồp bal muh măt [òn lơgar Liêng Srônh, tàm hơ\ uă ngan là broă bơsram nùs nhơm niam, ơnà jăk bơh Bác Hồ dê neh cèng geh cồng nha mùl màl tàm rài kis làng bol aolă kòn cau tàm xã, lam sồr nùs nhơm bơsram mờ broă lơh jăt ơnà jăk Bác Hồ dê.

Mò Nguyễn Thị Thu Hiền, Phó Bí thư Đảng uỷ xã Liêng Srônh, kơnhoàl Dam Rong đơs, ồng Cil Ha Kròng là cau lơh broă sa geh pơnrơ ngan, là cau lam lài nàng làng bol kòn cau in đờm jăt bal. “Ồng Ha Kròng là dùl nă cau lam lài geh pơnrơ ngan nàng làng bol tàm xã đòm jăt bal. Ồng geh pơnyờ să ngan dờp sră jờng rơ bơh càr jào pà bè broă bơsram mờ lơh jăt ơnà jăk, nùs nhơm niam, broă lơh bơh Bác Hồ dê tơngai bơh nam 2016 tus 2020. Do là broă lơh pơn yờ să ngan ai xã Liêng Srônh bol a` dê, tài do kung là broă lơh geh lơh uă mờ geh bơta pràn tus bal gùt làng bol tàm xã bơh [òn 1 tus [òn 5”.

Tàm ală nam do, tàm càr Lâm Đồng neh geh ngai sơlơ uă cau lam lài geh pơnrơ ngan tàm broă bơsram mờ lơh jăt ơnà jăk bơh Bác Hồ dê, geh pơnrơ ngan bè ồng Cil Ha Kròng, kòn cau K’ Ho, kis tàm xã Liêng Srônh, kơnhoàl Dam Rong.

Ồng Cil Ha Kròng neh bơssram Bác Hồ bơh ală broă lơh [uơn ngan, hơ\ là tơriang tơriồng tàm broă lơh sa, bơceh lơh, tềm pềr, bơcri priă di pal, tu\ lơi kung rơcang dong kờl cau ndai nàng gơguh jăk bal. Ală jơnau đơs mờ broă lơh bơh ồng neh geh gơguh pràn ngan tàm mpồl bơtiàn, pơgồp bal tàm broă tơnguh bơtàu broă lơh sa mpồl bơtiàn tàm xã tiah ngài Liêng Srônh, kơnhoàl Dam Rong, càr Lâm Đồng dê.

Cau cih Lơ Mu K’ Yến-Cau mbàng Ndong Brawl