Jăt jơnau yal, tơngai do, Ƀộ Kwang àng neh hòi jà cau geh nùs nhơm niam dong kờl càr Kon Tum 84 tơmàn đong nàng lơh pa 1 rbô 400 nơm hìu pà hìu rƀah, hìu pa jơh rƀah in mờ tơl nơm hìu kờp priă 60 tơlak đong. Pa do,  bal mờ broă sơnđờm lơh dồ ròt 500 nơm hìu, Ƀộ Kwang àng neh jàu 2 nơm hìu lơh lài pa lơh sir nàng rề ơnàng lơh uă.

Trung tướng ồng Phạm Thế Tùng, Thứ trưởng Ƀộ Kwang àng đơs nền, tơngai tus, Anih duh broă đơng lam Đảng Kwang àng Dà lơgar, Ƀộ Kwang àng rơ̆p pơgồp bal niam mờ duh broă sùm ală càr Tây Nguyên pơn jăt tai hòi jà bơta dùl nùs bal, dong kờl bal bơh ală cau geh nùs nhơm niam dê lam lơh pràn kơldang broă lơh tơn jơh hìu ing, hìu ồm sèt ñhăt dà mìu tàm ù tiah Tây Nguyên. Tàm dơ̆ ai cau lòt lơh broă, ala măt ală cau dong kờl là bàr pe mpồl lơh sa kă bro mờ anih priă jền kă bro phan, neh jàu rùp pơrya priă dong kờl càr Kon Tum tơn jơh hìu ing, hìu ồm sèt ñhăt dà mìu.