Tơngai lam lơh bơh nam 2026 tus nam 2027. Tàm kờp jơh rlau 215 tơmàn đong bơ tơl, geh mờr 184 tơmàn đong priă bơcri Dà lơgar dê, rlau 31 tơmàn đong ai bơh kes priă càr Dăk Lăk dê. Anih duh broă Làng bol càr Dăk Lăk bơ tơl ai Hìu bơsram ơm sa bic tơn bàr kâp sàh Ia Lốp 68 tơmàn đong; Hìu bơsram ơm sa bic tơn bàr kâp sàh Ia R’vê geh bơtơl tai 59 tơmàn đong; Hìu bơsram ơm sa bic tơn bàr kâp sàh Buôn Đông geh bơ tơl tai 89 tơmàn đong.

Bơnah priă do ngui nàng bơcri lơh ală bơnah broă bè lơh pa bơtơl hìu lơh broă sră pơ àr, hìu sền sră, hìu ơm cau pơgru in mờ ală broă lơh drơng broă bơto bơtê mờ bơsram ală hìu bơsram dê. Tơngai bơh nam 2025 tus nam 2027, càr Dăk Lăk lam lơh 3 Hìu bơsram ơm sa bic tơn bàr kâp tàm tiah nhàr lơgar, geh: Ia Lốp, Ia R’vê mờ Buôn Đôn mờ kờp jơh priă bơcri lơh tơngai dơ̆ 1 rlau 390 tơmàn đong. Ală hìu bơsram pal lơh gơs mờ ai ngui tàm nam bơsram 2026 - 2027 tơn. Nam bơsram pa 2026 -2027, ală hìu bơsram kòn cau ơm sa bic tơn bàr kâp tiah nhàr lơgar càr Dăk Lăk rơp rò mờr 3 rbô 100 nă kơnòm bơsram bơh ơdŭ 1 tus ơdŭ 9.