Tàm 2 sàh do, rơp geh bơcri priă lơh 27 broă lơh. Ƀí thư Tỉñ ủy càr Dăk Lăk đơs sùm, do là kơnòl broă jal mhar, jơnau sồr bơceh lơh cèng uă bơta kuơ, geh tơl đèng, dà, anih ơm wơl, hìu ƀềp, hìu jă brê, phan bơna dong kờl; mờ kung gàr bơta kơnhăp kơ̆, kơryan gơbam dà, rơcang lài drơng càl rbut dờng, geh gùng dô lik klàs bơta ngòt rơngơt, geh măi mok tơngkah lài gờñ, hòi jà geh cồng nha priă jền bơcri lơh nàng mhar ai ngui. 

Sồr ală tiah jal mhar lam lơh, gàr sơn đờm lơh lài mờ ngai 30/6 mờ lơh gơs lài mờ ngai 15/9 nam do. Jat Sờh Bơt bơtàu càr Dăk Lăk, kờp dŭ bơcri lơh 295 nơm hìu pơrjum mpồl bơtiàn pơgồp bal mờ rơcang lài drơng, pleh dà tih dà lìu tàm 34 sàh, sơnah ƀòn tiah đah mat tơngai lik mờ kờp jơh priă tă lơh mờr 460 tơmàn đong.