Tàm pơrjum, tơnơ̆ tŭ iat kwang bàng Quôk hội yal bè ală cồng nha tàm dơ̆ pơrjum pa do, cau tĕ khà tàm xã Ia Hrú, kơnhoàl Chư Pưh, càr Gia Lai neh ai lơh chờ hờp ngan tềng đap cồng nha bơh pơrjum dơ̆ 6, Quôk hội khoă XV dê. Cau tĕ khà kung jờng rơ nùs nhơm geh kơnòl bơh ală kwang bàng Quôk hội càr Gia Lai dê neh geh uă jơnau đơs tă pơgồp kuơmàng tàm cồng nha bơh dơ̆ pơrjum dê. Tàm dơ̆ tìp mat, cau tĕ khà neh geh jơnau đơs, jơnau dan bè uă broă gam ờ niam tàm ƀòn lơgar dê, bè: gùng lòt ƀòn lơgar tàm thôn Tong Yong gơbàn ờ diơng kơn jơ̆ ngan; giă đèng kờp làng bol tàm ƀòn lơgar in ờ hềt dipal; pal sền gròi rlau tai tàm broă ai tơlik lài gùng dà tam gơl rơndap tap sèng chi tam, phan ròng mờ gàr kơ̆ drà kă bro tac phan lơh gơs ai phan bơh suơn sre tờm ngan in; kuơmàng, cau tĕ khà ờ suk ngan bè broă bơsong sră pơ àr lơh sră dờp gơnoar ngui ù tàm xã gam gơ kòl, jŏ jòng…