Tàm dơ̆ cribơyai, jat ală kwang bàng, Tây Nguyên là tiah geh uă bơta ƀuơn bơta pràn bè bơtàu tơnguh lơh sa suơn sre, năng lượng lơh gơlik wơl, lòt nhơl brê bơnơm pơgồp bal mờ lơh sa suơn sre- brê bơnơm kơ̆ kơl jăp. Den tàng, broă sơlơ tơnguh sơnđờm mut lơh broă mờ sơnđờm mut lơh broă bơceh lơh tàm ală gah geh bơta ƀuơn, bơta pràn do rơ̆p là dùl bơta gơn kơnờm nàng lơh sa tàm tiah Tây Nguyên dê bơtàu tơnguh.

Jat Ủy ƀan Ñân zân càr Dăk Lăk, cribơyai là broă lơh geh ngan nàng kờñ pơgồp bơnah bơt bơtàu anih tờm tam gơl pa bơceh lơh tàm tiah Tây Nguyên dê jat tàm nùs nhơm Nghị quyết bơh Ƀộ Cíñ trị dê bè gùng dà broă lơh bơtàu tơnguh lơh sa- mpồl bơtiàn mờ sền gàr lơngăp lơngai dà lơgar, lơngap lơngai tàm tiah Tây Nguyên tus nam 2030, rơndăp broă lơh tus nam 2045.