Dăk Lăk jàu rlau 600 bơnah priă dong kờl bơsram ai kơnòm bơsram rƀah bơsram jak in
Thứ sáu, 14:01, 29/09/2023
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV4.K’Ho- Mho ngai 28/09, Viettel Dăk Lăk pơgồp bal mờ Sở Giăo zụk mờ Đào tạo, Mpồl dong kờl bơsram càr Dăk Lăk bơyai lơh broă lơh jàu priă dong kờl bơsram “Tài bơh oh bơsram jak” nam bơsram 2023- 2024 in.
Priă dong kờl bơsram bơh broă lơh dê neh geh jàu ai 610 nă kơnòm bơsram tàm 61 xã gơ wèt 11 kơnhoàl tàm ù tiah càr Dăk Lăk dê, tơl bơnah priă là 2 tơlak đong, kờp jơh priă dong kờl bơsram là 1 tơmàn 220 tơlak đong.
Jăt ồng Phạm Đăng Khoa, Kwang ătbồ Sở Giăo zụk mờ Đào tạo càr Dăk Lăk yal, broă lơh priă dong kờl bơsram “Tài bơh oh bơsram jak” geh Viettel Dăk Lăk jàu ai kơnòm bơsram càr Dăk Lăk in bơh nam 2014. Bơh 9 nam neh geh 4 rbô 380 bơnah priă geh jàu, kờp jơh priă tă lơh broă do là 5 tơmàn 600 tơlak đong. Ală bơnah priă dong kờl bơsram neh pơgồp bơnah dong gĭt nđờ rbô nă kơnòm bơsram kal ke mơya geh cồng nha bơsram jak tàm càr Dăk Lăk lơh jăt ngan ngồn jơnau kơ̆p kờñ lòt bơsram.
Viết bình luận