Tơngai gàr niam giă bơh ngai 01/12/2023 - 29/02/2024. Mpồl phan bơna gàr niam giă, geh: kòi phe, phan ngui sa (poăc sur, poăc iar ada, tăp iar ada, tơngi, sơdàng, ƀòk ngòk mờ ală phan trŭ gơm, biăp bùm kơnuh plai đo), ñiên liệu. Do là ală mpồl phan, gah phan bơna kờñ pal geh ngan, jơnau kờñ ngui uă; ƀuơn gơtìp jơh bè jơnau kờñ blơi mờ cau kờñ tăc mờ giă phan dê.

Càr Dăk Lăk neh hòi jà geh 11 mpồl lơh sa kă bro, siêu thị, ală anih tăc phan tus bal broă lơh gàr niam giă drà kă bro tàm lồi nam 2023 mờ Sa tềp Dà lơgar Giáp Thìn nam 2024. Kờp dŭ khà priă ngui nàng ơn prap phan bơna drơng broă tàm tơngai sa tềp là rlau 473 tơmàn đong, lơh geh mờr 17% jơnau kờñ ngui sa bơh làng bol dê tàm tŭ digơlan ờ hoan geh phan bơna.