Ală ngai do, ală ƀòn lơgar tàm càr Dăk Nông neh dồ ròt sơnđờm lơh gĭt nđờ jơ̆t nơm hìu dong làng bol geh rài kis kal ke. Càr Dăk Nông pơnđơl tus jơh nhai 09 nam do rơ̆p lơh sir broă tơn jơh 540 nơm hìu ing, hìu ồm sèt ñhăt dà mìu. Jăt ală jơnau neh lơh nền, tàm nam 2025, càr Dăk Nông rơ̆p lam lơh 540 nơm hìu pa pà ală hìu rƀah, pa jơh rƀah, làng bol jơi bơtiàn dồ êt nă cau mờ hìu bơnhă dờp bơta dong kờl mpồl bơtiàn dê. Tơl nơm hìu lơh pa geh dong kờl 60 tơlak đong.

Kờp jơh priă tă lơh rlau 32 tơmàn đong. Bơh bồ nhai 03 tus tŭ do, ală ƀòn lơgar tàm càr neh dồ ròt sơnđờm lơh geh rlau 30 nơm hìu dong ală hìu bơnhă kal ke bè hìu ơm. Càr pơnđơl tus jơh nhai 09 tus rơ̆p lơh sir broă tơn jơh 540 nơm hìu ing, hìu ồm sèt ñhăt dà mìu.