Tơngkah kir sơnrai 77 nam Ngai Cau ling sồt să, Cau ling chơ̆t màng (27/07), Củ tịc lơgar neh pà phan ai mờr 1 tơlak 400 rơbô nă cau geh màng mờ dà lơgar, cau pròc mhàm bơh cau geh màng mờ dà lơgar mờ kờp jơh priă jền mờr 420 tơmàn đong. Cíñ phủ kung neh ai lơh jat Jơnau lơh nền Cíñ phủ dê sồ 77, ngai 01/07/2024 cih tam gơl tơl khà dờp priă dong kờl cau geh màng mờ dà lơgar mờ khà gơguh kờp bal 35,7%. Do là khà gơguh uă ngan rlau jơh bơh ală dơ̆ tam gơl dê, geh mpồl bơtiàn mờ cau geh màng mờ dà lơgar, cau pròc mhàm jờng rơ, kờñ bal.

Ƀộ Lao động, Thương ƀiñ mờ xã hội neh lơh niam jơnau yal bơtô ƀồc cau ling chơ̆t màng. Broă sền gròi, dong kờl, lơh jat niam broă lơh kis gĭt jơnau gĭt adat ờ mìng tơngŏ nùs nhơm kờñ gơboh, bơta kah ưn ngài uă ngan gơwèt mờ ală cau ling sồt să, cau ling kòp tê jê să, hìu bơnhă cau ling chơ̆t màng mờ cau geh màng mờ dà lơgar, gam pơgồp bơnah lơi neh tơrmù ƀà ală bơta jê sồt, roh rui bơh ală cau gam kis lơm mờ gam là kơnòl broă bơh rơnàng tŭ do dê mờ tơnơ̆ do in gơwèt mờ ală cau neh phi să ai lơngăp lơngai, khat gơboh bơh Dà lơgar dê.