Pơrjum dờng geh kơnòl broă sền sơ wì di pal, tơl làm broă lơh jat Nghị quyết Pơrjum dờng Kông đoàn Việt Nam dơ̆ 13, sền gĭt jơnau kờñ, gùng dà broă lơh, kơnòl broă srơh cau lơh phan, viên cứk, cau lơh broă mờ broă lơh Kông đoàn 5 nam tus; pồ Ƀan Cấp hàñ Tổng liên đoàn tơngai lơh broă bơh nam 2023- 2028.

Tus bal pơrjum dờng, ală kwang bàng kơ̆p kờñ Pơrjum dờng pồ geh Ƀan Cấp hàñ khoă pa gơguh jak bè nùs nhơm, cíñ trị, rài kis lơh broă, bơta pràn jak lơh broă, geh nùs nhơm khin cha, jơh nùs jơh tồr, geh kơnòl, lơh geh jơnau kờñ geh ai tŭ do dê; lơh geh ală broă lơh dong kờl cau lơh broă tơnguh uă bơta chài lơh broă, broă dong kờl kwang bàng Kông đoàn tàm mpồl lơh broă tàm tiah bơdìh Dà lơgar sền gròi sền gàr gơnoar mờ bơta kwơ bơh cau lơh broă in niam rlau tai.