Gĭt gŏ 10 ƀồc ntìng cau ling chơ̆t màng tàm Suơn bal Lê Thị Riêng
Thứ hai, 13:00, 24/08/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Mho òr (23/08), Gah đơng lam ling klàng ƀòn dờng Hồ Chí Minh yal sền gĭt bè broă lơh lòt jòi, rờ tơrgùm bồc ntìng cau ling chơ̆t màng tàm Suơn bal Lê Thị Riêng (sơnah ƀòn Hòa Hưng, gơwèt Quận 10 yau).
Jat jơnau yal bơh Mpồl rờ tơrgùm ƀồc ntìng cau ling chơ̆t màng dê, ală mpồl lơh broă pơn jat tai lam lơh broă lơh tiah dơ̆ 2 (Tiah B), Suơn bal Lê Thị Riêng. Tàm ngai, mpồl lơh broă lơh kơnòl broă neh bơsong rlau 500 khối ù, mơkung pơn jat tai pờ ơnàng tiah lòt jòi tàm Tiah B.
Cồng nha tàm ngai 23/8, mpồl lơh broă neh gĭt gŏ, tơrgùm 10 ƀồc ntìng cau ling chơ̆t màng mờ 5 phan lời wơl tàm Tiah B. Bơh ngai 23/6 tus jơh ngai 23/8/2026, ală mpồl lơh broă neh gĭt gŏ, tơrgùm 455 ƀồc ntìng cau ling chơ̆t màng, tàm hơ̆ geh 240 phan lời wơl. Tàm kờp jơh ƀồc ntìng geh rờ tơrgùm, geh 422 ƀồc ntìng is mờ 33 ƀồc ntìng tàm 8 tiah bơtô ƀồc bal, geh 2 tiah tàm Tiah A mờ 6 tiah tàm Tiah B.
Viết bình luận