Tàm mang 03/10, neh geh git nđờ rhiang anih lơh broă, mpồl bal, mpồl lơh sa kă bro mờ ală cau geh nùs nhơm niam cih mat kờñ tă pơgồp tàm kes priă tài cau rƀah mờ gàr lơngăp lơngai rài kis mpồl bơtiàn ƀòn dờng mờ khà priă rlau 5 tơmàn 100 tơlak đông. Ƀòn dờng tŭ do gam rlau 2 rbô 100 hìu bơnhă rƀah mờ rlau 22 rbô 200 hìu bơnhă ndrờm bè cau rƀah kờñ geh dong kờl. Tàm dơ̆ lam lơh, Mpồl hòi jà kes priă tài cau rƀah ƀòn dờng neh tă kes priă tài cau rƀah jàu priă dong kờl ai 245 hìu bơnhă rƀah tàm ƀòn dờng in mờ kờp jơh khà priă 10 tơmàn 400 tơlak đông nàng tam pà ai ală kơnhoàl, thị xã in nàng lơh hìu tam klac dờng mờ dong kờl broă lơh sa dong cau rƀah.