Tus tŭ do, ală ƀộ, gah lơh broă bal mờ ală càr ƀòn dờng neh lơh gơs sră nggal tam gơl mờr 13 rơbô tơmàn đong priă bơh kes priă Dà lơgar nam 2025 tus ngui lơh nam 2026; mơya, khà priă neh tă mìng rơ̆p geh di pơgăp 540 tơmàn đong.

Jơnau đơs pơn dŭt dơ̆ pơrjum, Phó Thủ tướng đơs nền bơta kwơ uă ngan bơh ală broă lơh bơ̆t bơtàu ƀòn lơgar pa, tơrmù rơƀah kơl jăp mờ bơtàu tơnguh tiah làng bol jơi bơtiàn ờ gal cau, tiah bơnơm, tàm hơ̆ uă ngan là gơwèt mờ tiah kal ke, tiah ngài. Phó Thủ tướng sồr ală ƀộ, gah lơh broă, ală càr ƀòn dờng tơnguh uă kơnòl broă, lơh pràn broă lơh, gàr niam nàng làng bol in gờñ geh dờp broă dong kờl, ờ kơ̆p gơn, mờ jal mhar lơh sir broă mpồl sồr lơh, anih lơh broă sùm mờ bơnah dong broă nàng tơnguh uă cồng nha broă bơyai lơh.