Tơnơ̆ mờr 60 nam ơm bĭc wơl tàm tiah tam lơh, ƀồc ntìng cau ling chơ̆t màng neh geh jun rê tàm Ƀlàng tơ̆p ƀồc cau ling chơ̆t màng Ninh Thuận, sàh Xuân Hải nàng bơyai lơh iês, tơ̆p ƀồc jat bơhiàn mpồl ling klàng dê.

Cau ling chơ̆t màng Ka Tơr Tiên deh nam 1949, neh là Tiểu đội phó Huyện đội Anh Dũng, chơ̆t phi să ngai 17/3/1967 tàm dơ̆ tam lơh tam dră mờ bol sò tơm Mỹ dong klàs lơgar mờ geh tơ̆p bơh sơn rờp tàm thôn Tà Nôi. Broă jòi gŏ mờ rờ tơrgùm ƀồc ntìng cau ling chơ̆t màng Ka Tơr Tiên tơnơ̆ mờr 60 nam neh lơh geh bơta kơ̆p kờñ bơh hìu bơnhă dê mờ pơgồp bơnah lơh geh cồng nha gùng lòt “500 ngai mang lòt jòi cau ling bal” bơh mpồl ling phàu crong càr Khánh Hoà dê lam lơh.