Kon Tum neh tơn jơh rlau nggùl khà hìu ing, hìu ồm sèt ñhăt dà mìu
Thứ ba, 14:30, 18/03/2025
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV4.K’Ho- Mờ uă broă lơh mờ kơnờm hòi tơrgùm geh bơta kờñ bal, dong kờl bơh jơh gùt mpồl bơtiàn dê, tus jơh poh do, càr Kon Tum neh tơn jơh geh rlau nggùl khà hìu ing, hìu ồm sèt ñhăt dà mìu.
Mùl màl tus tŭ do, càr Kon Tum neh dong 1 rbô 390 hìu làng bol lik klàs bơh rài kis ơm kis tàm hìu ing hìu ồm sèt ñhăt dà mìu, tàm hơ̆ geh 1 rbô 79 nơm hìu geh lơh pa mờ khà lơh niam wơl là 311 nơm. Bè hơ̆ tus tơngai do, càr Kon Tum neh tơn jơh geh rlau nggùl khà tàm kờp jơh 2 rbô 752 nơm hìu ing, hìu ồm sèt ñhăt dà mìu kờñ geh lơh pa mờ lơh niam wơl càr dê. Tàm bă ù tiah nhàr lơgar kơnhoàl Sa Thầy, càr Kon Tum, kơnhoàl neh lơh pa, lơh niam wơl geh 312 tàm 346 nơm hìu.
Ồng Bùi Văn Quang, Phó Củ tịc Anih duh broă Mặt trận Dà lơgar Việt Nam kơnhoàl Sa Thầy pà gĭt, ƀòn lơgar gam pơnđơl gờñ lơh sir tơn jơh hìu ing, hìu ồm sèt ñhăt dà mìu tàm nhai 3 do tơn.
Viết bình luận