Jăt jơnau yal, ală nam do, càr Dăk Lăk neh geh uă gùng dà, broă dong kờl nàng kờñ lơh geh mpồl lơh broă tàm do tơn geh broă lơh jak, cồng nha uă lơh geh jơnau kờñ mpồl cau lơh broă ai bơtàu tơngguh ală gah lơh sa tờm kwơmàng ngan in. Tơngai bơh nam 2021 tus nam 2024, càr neh tă rlau 28 rbô tơmàn đong ai bơtàu tơngguh mpồl cau lơh broă in, geh tus  rlau 35% kờp jơh tă kes priă ƀòn lơgar dê. Tus tŭ do, rlau 64% kwang bàng, kông cưk, viên cưk, cau lơh broă neh bơto, tề lam.

Tàm dơ̆ lơh broă, Anih duh broă Làng bol càr Dăk Lăk dan mờ Ƀộ Broă dơlam is gờñ ai lơh jăt bơto pơlam broă lơh jăt broă dong kờl gơ wèt mờ cau geh bơta jak chài tàm anih lơh broă, mpồl, mpồl lơh broă Dà lơgar; lơh anih jơnau yal tơnggĭt dà lơgar bè cau jak Việt Nam. Bal mờ hơ̆, ală ƀộ gah geh gơrềng pal geh gùng dà, broă dong kờl nàng ală mpồl lơh sa kă bro in geh kơnòl tus bal ală broă bơto broă lơh; geh broă dong kờl gơhòi gơ jà ală cau pơgru jak, cau gĭt wă jrô, kỹ sư, cau lơh phan jak broă lơh tus bal broă lơh jak chài uă.