Bơh uă dơ̆ tă pơgồp jơnau đơs mờ cih dờp, tus tŭ do, rơndap lơh Adat Ù tiah (tam gơl) gam geh jơnau đơs krơi is gơ rềng tus jơnau cih ală broă geh jàu bè ngui ù tàm rơndap ù tiah ngui ù. Broă rơ wah mùl màl ir ală broă geh jàu ngui ù digơlan lơh gơbàn bơta ờ ngac ngar, ờ wil tơl halà ờ gơtùi lơh jat bơta tam gơl mhar tàm rài kis ngan ngồn, lơh gơbàn kal ke tàm tŭ lam lơh jat mờ lơh gơ rềng tus gơnoar mờ bơta kuơ dipal bơh làng bol, mpồl lơh sa kă bro dê, lơh gơlik tai ală bơta sră nggal lơh broă gơnoar atbồ. Bè hơ̆ den tàng, pal pơn jat tai lơh loh kơrnuat pal jat, broă geh jàu, ai tơlik ală broă geh jàu ngui ù tàm ală kâp rơndap ù tiah ngui ù.

Kung tàm ngai do, Ủy ƀan Thường vụ Quôk hội ai jơnau đơs bè jơnau rơcang cih Nghị quyết bơh Quôk hội dê bè broă ngui dia priă lơh geh mpồl lơh sa kă bro, bơ tơl jat jơnau cih rơcang sơndră ờ niam tơngume dia gùt plai ù; ai jơnau đơs bè jơnau rơcang cih Nghị quyết bơh Quôk hội dê bè broă ngui tơrlòng lài broă lơh dong kờl bơcri priă tàm gah kông nghệ kao; ai jơnau đơs bè rơndap broă lơh tơrmù lơyah broă lam lơh, tơngai tơn jơh ngui kes priă dà lơgar pah nam.