Đơs sồr lơh tàm pơrjum, Lam bồ Mpồl Mblàng yal bơto bơtê mờ Hòi jà Làng bol Dà lơgar ồng Nguyễn Trọng Nghĩa đơs nền, tơngai pa do, Đảng, Dà lơgar ai lơh jat uă gùng dà broă lơh bè broă lơh jơi bơtiàn, pin dờn jat Yàng.

Ală kấp ủy, mpồl Đảng lơh jat ngan ngồn ală gùng dà broă lơh, Jơnau lơh nền tàm pơrjum bơh Đảng dê bè broă lơh jơi bơtiàn, gah pin dờn jat Yàng, gàr niam ală jơi bơtiàn ring bal, tam klăc, sền dờng màng, dong kờl bơtàu tơnguh bal. Lam bồ Mpồl Mblàng yal bơto bơtê mờ Hòi jà Làng bol Dà lơgar ồng Nguyễn Trọng Nghĩa sồr tàm tơngai tus, ală tiah sền gròi sền gàr, bơtàu tơnguh rài kis phan bơna, nùs nhơm ai làng bol jơi bơtiàn dồ ết nă cau in, dong làng bol jat Yàng, ngan là tàm ală tiah sar lơgar ngài, tiah nhàr lơgar, bồt bơlào dà lềng, tiah kal ke uă; sền gàr, ngui niam ală bơta kwơ niam chài ờs mờng niam bơnĕ bơh làng bol ală jơi bơtiàn dồ ết nă cau dê.