Lài hơ̆, bơh ngai 19/8, bơh lòt sền, tờ jòi tàm Ƀòn dờng yau Diên Khánh, ală mpồl lơh broă neh git gŏ 5 bă tiah geh tềl ntìng bal mờ bàr pe phan lời wơl bè nsàng gar phàu, gri zờu. 

Tàm 1 poh, mpồl lơh broă geh gơnoar neh tờ geh 13 ƀồc ntìng, lam lơh ai mẫu drơng xét nghiệm ADN. Jat sră nggal kah yau mờ jơnau yal tơnggit tơrgùm geh, tiah hìu jàm yau tàm Ƀòn dờng yau Diên Khánh neh geh tŭ là anih krơ̆ jàm kwang bàng, cau ling kac màng. Uă cau neh chơt phi să tàm tơngai gơtìp bol sò tơm kup, krơ̆ jàm mờ geh tơp tàm do. Tŭ do, ală mpồl gam pơn jat tai rề ơnàng bă tiah lòt jòi, rờ tơrgùm ƀồc ntìng cau chơt màng.