Tàm Nhai ơruh pơnu nam do, ơruh pơnu càr Dăk Lăk neh tơnggơs mờr 300 mpồl lơh broă nùs nhơm is, lơh 268 broă bơ̆t bơtàu, bơnah broă ơruh pơnu; lam lơh gĭt nđờ rhiang broă lơh lơh broă dong kờl is tus bal bơ̆t bơtàu ƀòn lơgar pa mờ tiah drà jak chài, sền gàr tiah ơm kis, drơng mờ tam gơl nhơm trồ tiah. Rơnàng kơnòm să Dăk Lăk neh lơh 29 kơi sồ broă bơ̆t bơtàu “Pờ àng gùng tiah nhàr lơgar”, “Pờ àng gùng ƀòn”, tơnggơs 218 mpồl lơh broă dong kờl is Jơh gùt làng bol bơsram sồ bal mờ rlau 2 rbô 600 nă đoàn viên, ơruh pơnu tus bal, bơyai lơh mblàng yal, pơlam tàp, bơto pơlam cau làng bol ngui drơng broă ala dà lơgar tàm internet…

Bơta pơnrơ tàm ală broă lơh bơh rơnàng kơnòm să Dăk Lăk dê là broă lơh tơrlòng lài “Tơn jơh hìu ing, hìu ồm sèt ñhăt dà mìu”, hòi tơrgùm rlau 1 tơmàn 300 tơlak đong mờ mờr 1 rbô 400 nă cau lơh hìu nàng lơh pa 32 nơm hìu dong kờl ơruh pơnu mờ kơnòm dềt geh rài kis kal ke.