Tàm broă lơh do, Kes priă dong kờl cau kòp ung thư “Ngai hìng niam rlau tai” lam lơh broă lơh “Dùl jơnau cih, tơlak bơta nđàc jàu pơyoa cau kòp ung thư” nam 2023 in. Mờ tơl jơnau cih UT pơyoa 1406 rơ̆p tă pơgồp 20 rơbô đông lời ai cau kòp ung thư rƀah tàm gùt lơgar in.

Đơs tàm do, Ƀộ trưởng Ƀộ Y tế Đào Hồng Lan đơs sùm: tơl jơnau cih là dùl jơnau kờñ gơboh, là bơta tam pà bal kwơ ngan, geh tai bơta pràn ai cau kòp ung thư in; mơkung cih dờp, rlau 12 nam do kờp bơh tŭ geh tơlik mat, Kes priă dong kờl cau kòp ung thư “Ngai hìng niam rlau tai” neh hòi jà, lam lơh dong kờl sơm kòp mờ pà phan ai mờr 35 rơbô nă cau kòp ung thư rƀah tàm gùt lơgar in mờ kờp priă rlau 57 tơmàn đong; dong kờl sơnơm sơm kòp ung thư ai cau kòp in kờp priă 1 rơbô 400 tơmàn đong.