VOV4.K'Ho- Hơ̆ là jơnau đơs nền bơh Thứ trưởng, Phó Củ ñiệm Ủy ƀan Jơi bơtiàn Y Thông dê, Kwang ătbồ Mpồl lơgar Việt Nam tàm dơ̆ pơrjum dơ̆ 111 bơh Ủy ƀan Kông ươk Dunia bè tơn jơh jơh ală bơta tam cah ờ rờm bal jơi bơtiàn (CERD) pa geh lơh tàm Geneva, lơgar Thụy Sỹ dê.

VOV4.K’Ho- Kơnhoàl Sa Thầy là tiah bơh sơnrờp bơh càr Kon Tum dê lơh sir broă tơrgùm gơs dùl gơnoar broă Ƀí thư Ci ƀộ ăt tơn gơnaor broă Kwang ătbồ thôn mờ Ƀí thư Ci ƀộ ăt tơn gơnoar broă Kwang ătbồ Mpồl lơh broă Mặt trận thôn, jăt jơnau cih tàm Kơrnoăt sồ 21, ngai 16/06/2022 bơh Mpồl đơng lam Đảng Dà lơgar khoă XIII dê bè sơlơ lơh kơ̆ kơl jăp bơ̆t bơtàu mpồl duh broă đảng mờ tơnguh uă cồng nha mpồl đảng viên tàm tŭ tơngai pa. Broă tơrgùm gơs dùl neh dong kơnhoàl tơrmù cau lơh broă sa priă nhai dà lơgar, tơnguh uă cồng nha ătbồ, đơng lam, lơh jăt ală kơnòl broă cíñ trị.

VOV4.K’Ho- Lòt gan rlau nggùl gơl gùng tơngai lơh broă dơ̆ 1 bơh Broă lơh jơnau kờñ Dà lơgar bơtàu tơnguh lơh sa- mpồl bơtiàn tàm tiah làng bol jơi bơtiàn dồ ết nă cau mờ tiah kơh bơnơm mơya priă bơh broă lơh do tàm uă tiah kung gam ờ hềt tus mờ làng bol kòn cau rƀah sơl. Tàm càr Quảng Nam, Mpồl đơng lam ală broă lơh jơnau kờñ Dà lơgar kấp càr neh rcang tă bơsong ală bơta kal ke kòl yan tŭ do, sùm lơh jat bal mờ ƀòn lơgar, di tŭ tă bơsong kòl yan. Càr do kung ai lơh jat sră nggal tơrgùm bal dùl bă geh ngan, nền cê gơwèt mờ tơl broă lơh jơnau kờñ Dà lơgar nàng ală Ƀan, ngàñ, ală tiah in ƀuơn ngan tus bal mờ lam lơh.

VOV4.K'Ho - Pơn jat tai pơrjum dơ̆ 6, Quôk hội khoă XV, poh lài, ală kwang bàng neh cribơyai bè cồng nha wă làng bol, bơsong sră nggal pơyua mờ bơsong jơnau jơnau lùp, jơnau yă bơh làng bol dê. Ală kwang bàng sồr, Cíñ phủ pal kờp sền, lơh loh jơnau bơh tài gơbàn nàng geh broă lơh bơsong jơh ală dơ̆ broă lùp, dơ̆ yă kal ke, jŏ jòng.

VOV4.K’Ho- Lơh jăt Broă pơrlòng “Tài cau rơƀah- Ờ lời cau lơi gơtìp lời wơl hờ ngkời”, tàm ală nam do Ủy ƀan Mặt trận Dà lơgar Việt Nam càr Dăk Lăk neh lơh uă broă lơh mùl màl nàng tam pà bal, dong kờl cau rơƀah brồ guh kơ̆ kơl jăp rài kis, tàm hơ̆ geh broă lơh jăt broă dong kờl hìu tam klăc dờng. Uă hìu pa geh lơh ala mờ hìu sèt, neh dong kờl ai ală cau rơƀah in gŏ ram nùs rơlao tàm nùs nhơm kờñ gơboh bơh mpồl bơtiàn dê.

VOV4.K’Ho- Tŭ lời tam lah tam lơh gơlik geh tàm hìu bơnhă bơyô dê, gơ rơ̆p là tềl sồt kal ke ngan bời, lơh tơn roh jơh tĕ bơta lơngăp lơngai chờ hờp chờ hờñ hìu bơnhă dê, bơta lơngăp lơngai chờ hờp chờ hờñ bơh tơl nă bol he dê...Bè hơ̆ tŭ tìp jơnau tam lah tam lơh tàm hìu bơnhă, bol he kờñ pal lơh bơta lơi nàng geh sền gàr pleh klàs bơh tam lah tam lơh tàm hìu bơnhă taih? Ală cau gĭt jơnau tam lah tam lơh gam gơlik geh geh sơl adat boh lam sền gàr tŭ yal yă halà ờ? Anih lơh broă lơi dờp jơnau yal yă taih? Thạk sĩ, Cau cah rơña ồng Đỗ Đăng Khoa, Mpồl Cau cah rơña quận 7, ƀòn dờng Hồ Chí Minh rơ̆p hơ ală jơnau lùp do.

VOV4.K’Ho- Tàm ală nam rềp ndo, ală anih lơh broă cíñ trị ală kâp neh lời uă bơta sền gròi tus broă lơh rơndăp lài, bơto bơtê, tề lam, pồ kwang bàng tiah jơi bơtiàn dùl êt nă cau; geh uă broă dong kờl ai lài gơ wèt mờ ùr kwang bàng jơi bơtiàn dùl êt nă cau. Bulah bè hơ̆, broă lơh ùr kwang bàng, kwang bàng jơi bơtiàn dùl êt nă cau tŭ do kung gam ờ hềt lơh geh jơnau sồr sơl. Kờñ pal geh broă rơndăp lơh mờ broă lơh bơtàu tơnguh pràn, kwơmàng tàm broă lơh lơh broă mờ lơgar ndai, mŭt gơrờm bal mờ dunia.

VOV4.K’Ho- Drim ngai 22/11, Mpồl đơng lam 515 càr Gia Lai neh bơyai lơh dơ̆ ai ling lơh jăt kơnòl broă lòt jòi, rờ tơrgùm ƀồc ntìng cau ling chơ̆t màng ling lơh broă dong kờl is mờ cau jak chài lơgar Việt Nam dê phi să tàm ală rài tam lơh tàm lơgar Campuchia.

VOV4.K’Ho- Tàm 2 ngai bơh ngai 21 tus ngai 22/11, tàm Hải Phòng, Ƀộ Giáo dụk mờ Đào tạo bơyai lơh Cribơyai bơta geh ngan mờ broă lơh tơnguh uă cồng nha broă lơh tơn jơh bơta ờ gĭt sră ai làng bol tàm tiah làng bol jơi bơtiàn dồ ết nă cau in.

VOV4.K’Ho- Kra ƀòn, cau geh bơngă pin dờn là ală cau geh jơnau đơs, bơta pràn lơh gơrề kwơmàng tàm ƀòn làng bol ơm kis bơh làng bol jơi bơtiàn dồ êt nă cau dê. Tàm kơnhoàl Cư Mgar, càr Dăk Lăk, uă kra ƀòn, cau geh bơnhă pin dờn gam là đảng viên neh mŭt đảng uă sơnam. Ờ mìng là “cau lơh kòn gùng” mblàng yal ai jơnau sồr, gùng dà bơh Đảng dê, broă dong kờl adat boh lam Dà lơgar dê tus mờ làng bol, khi gam là ală krơh bè nùs nhơm tàm dong kờl tam klăc bal ƀòn lơgar.