VOV4.K’Ho- Mho òr (06/10), tàm Hìu bơsram đại họk Tây Nguyên, ƀòn dờng Buôn Ma Thuột, Ủy ƀan Ñân zân càr Dăk Lăk bơyai lơh Dơ̆ cribơyai lơh broă, sơnđờm mut lơh broă tam gơl pa bơceh lơh tàm ală càr tàm tiah Tây Nguyên nam 2023.

VOV4.K’Ho- Ngai 06/10, tàm ƀòn dờng Buôn Ma Thuột geh lơh Dơ̆ lơh drà broă lơh càr Dăk Lăk nam 2023 mờ tơngume “Tàm tơn tìp broă lơh- tŭ niam broă lơh- Pờ ơnàng rài tơnơ̆ do”.

VOV4.K’Ho- Tàm dơ̆ yal Kes priă dong kờl bơsram sră càr Dăk Lăk, ală mpồl cau, cau dùl nă să geh nùs nhơm niam neh jàu pà 2 tơmàn 700 tơlak đong nàng ngui ai ală broă lơh dong kờl bơsram sră tàm càr dê in.

VOV4.K'Ho - Ngan ngồn gờm chờ tơngkah kir sơnrai 69 nam Ngai tơngklàs càr lơgar (10/10), mang ngai 03/10, ƀòn dờng Hà Nội bơyai lơh Dơ̆ lam lơh nhai lơh broă “Tài cau rƀah mờ lơngăp lơngai rài kis mpồl bơtiàn” nam 2023.

VOV4.K'Ho- Tàm ƀòn dờng Dà Làc, càr Lâm Đồng tàm lồi nhai 9 pa do neh geh lơh Pơrjum Mpồl duh broă pơgồp bal đơng pơlam tiah Tây Nguyên dơ̆ 1. Pơrjum bơh Phó Thủ tướng Cíñ phủ ồng Trần Lưu Quang đơng lam mờ bơta tus bal bơh kwang ala mat ală ƀộ, mpồl, gah broă lơh dà lơgar mờ ală càr Tây Nguyên, cribơyai bè ală bơta geh ngan mờ broă lơh gờñ dong Tây Nguyên bơtàu tơnguh.

VOV4.K’Ho- Ai broă lơh niam sră nggal geh gơnoar kwơ màng tàm broă bơtàu tơnguh lơh sa mpồl bơtiàn, di pal mờ jơnau kờñ kơnòl broă tàm bơta pa, càr Dăk Lăk neh tơmù kal ke, lơh ndrờm bal ală kơnòl, broă lơh nàng tơnguh uă jơnau lơh gơtùi, geh cồng nha broă lơh sră nggal dà lơgar, ai geh bơta niam nàng lơh pràn lơh sa mpồl bơtiàn càr bơtàu tơnguh. Nam pa do, càr Dăk Lăk neh gơguh 32 khà bè bơta ai tơngŏ di nùs bơh làng bol dê, ơm dơ̆ 27 tàm gùt lơgar.

VOV4.K’Ho- Mho ngai 28/09, Viettel Dăk Lăk pơgồp bal mờ Sở Giăo zụk mờ Đào tạo, Mpồl dong kờl bơsram càr Dăk Lăk bơyai lơh broă lơh jàu priă dong kờl bơsram “Tài bơh oh bơsram jak” nam bơsram 2023- 2024 in.

VOV4.K'Ho - Pơn jat tai pơrjum dơ̆ 26, ngai do (28/9), Ủy ƀan Thường vụ Quôk hội pơrjum (dơ̆ 3) ai jơnau đơs (dơ̆ 2) bè broă cih dờp, tam gơl rơndap lơh Adat Ù tiah (tam gơl).

VOV4.K'Ho - Mho ngai 26/9, Phó Thủ tướng ồng Trần Lưu Quang wă Mpồl cau geh màng mờ dà lơgar càr Kiên Giang lòt còp càr lơgar Hà Nội.

VOV4.K'Ho - Mho ngai 26/9, tàm Hìu lơh broă Củ tịc, Củ tịc lơgar ồng Võ Văn Thưởng tìp mat Mpồl kwang ala mat Kes priă dong kờl bơsram Vừ A Dính mờ Mpồl tài Hoàng Sa, Trường Sa kờñ gơboh.