VOV4.K’Ho- Mho ngai 28/07, Củ tịc Quôk hội ồng Vương Đình Huệ đơng lam Cribơyai Cau lơh broă nam 2023 mờ tơngume “Lơh sir broă lơh, adat boh lam gơrềng tus cau lơh broă mờ mpồl Kông đoàn”.

VOV4.K’Ho- Drim ngai 28/07, tàm Hìu Quôk hội, Ủy ƀan Lơh sa Quôk hội dê bơyai lơh Cribơyai ai jơnau đơs bè jơnau rơcăng cih Adat Ù tiah (tam gơl).

VOV4.K’Ho- Ai tơngŏ nùs nhơm niam “Hùc dà kah tô dà” bơh jơi bơtiàn dê, ală ngai do, ơruh pơnu càr Dăk Lăk neh lơh geh uă broă lơh mùl màl nàng tơlik nùs nhơm kah ưn ngài gơwèt mờ ală cau neh tus bal tam lơh, phi să tài bơta krơi is, khăt gơboh Dà lơgar dê.

VOV4.K’Ho- Mho ngai 27/07, tàm Hà Nội, Mpồl Jăt sền bơh Ủy ƀan Thường vụ Quôk hội dê bè “tam gơl pa jơnau bơto bơsram, sră giăo khoa pe kâp” geh dơ̆ lơh broă mờ Cíñ phủ.

VOV4.K’Ho- Bal mờ kơnòl broă sền gàr lơngap lơngai, rơndăp tăp sèng, tam dră wơl rcang lài tam dră mờ bol lơh tìs, Kwang àng kơnhoàl Ea H’leo, càr Dăk Lăk neh lam lơh broă lơh “3 lòt bal” nàng kơ̆ kơl jăp rài kis làng bol in, lơh geh nùs nhơm rơcăng lài kơ̆ kơl jăp tàm gah bồ tơngoh, tam klăc bal làng bol tus bal mờ gơnoar atbồ sền gàr lơngăp lơngai, sền gàr rơndăp tăp sèng, gàr niam rài kis lơngăp lơngai tàm ală ƀòn lơgar.

VOV4.K’Ho- Tơngkah kir sơn rai Ngai Cau ling sồt să, Cau ling chơ̆t màng, tàm gùt lơgar neh geh uă broă lơh lùp còp, pà phan ai cau cíñ sác, hìu bơnhă geh màng mờ dà lơgar in.

VOV4.K'Ho - Ală nam do, bulah priă jền ờ huan uă, càr Dăk Lăk neh gròi sền niam ngan jơh bal bè phan bơna mờ nùs nhơm ai hìu bơnhă geh sră dong kờl bơh dà lơgar, cau geh màng mờ dà lơgar tàm càr in. Bơh hơ̆ neh pơgồp bơnah tơrmù ƀà bơta jê sồt bơh rài tam lơh, dong ală hìu bơnhă geh rài kis ngai sơlơ niam rlau.

VOV4.K'Ho- Jat jơnau sồr bơh Ƀộ Kế hoạc mờ Đầu tư dê, Phó Thủ tướng ồng Trần Lưu Quang, Kwang atbồ Mpồl đơng lam dà lơgar ală broă lơh jơnau kờñ dà lơgar tơngai bơh nam 2021 tus nam 2025 dê neh lam lơh broă rơndap lơh sền sơ wì, jat sền broă lam lơh ală broă lơh jơnau kờñ dà lơgar bơh Mpồl đơng lam dà lơgar dê nam 2023 tàm 3 tiah, geh: Tiah dòr mờ tiah kơh bơnơm đah tô dà lơgar, Tiah kềng gah dà lềng tàm gùl lơgar mờ tiah Tây Nguyên mờ tiah ring dà dờng Cửu Long.

VOV4.K’Ho- Nhai poh – Nhai kah rơngal cau ling khin cha jăk chài chơ̆t màng, tàm ală ƀlàng tơ̆p ƀồc, tiah tềl kah yau tàm càr Quảng Trị, geh git nđờ jơ̆t rơbô nă cau ling yau, cau pròc mhàm cau ling chơ̆t màng mờ cau năc lòt nhơl tus mờ chu ñàng, pơdơng bơkào kah kơlôi ală cau neh phi să tài bơta krơi is jơi bơtiàn.

VOV4.K’Ho- 6 nhai bồ nam, Gah Lao động - Thương ƀiñ mờ Xã hội lơh jat broă lơh dong kờl priă jền sùm ai rlau 1 tơlak 130 rơbô nă cau geh màng mờ dà lơgar in mờ priă tă pơgap 14 rơbô tơmàn đong.