VOV4.K’ho – Ngai òr 13/11, tàm Hà Nội, Cơldu\ kă bro mờ lơh sa mờ mai\ mok Việt Nam bơyai lơh cribơyai lơh sa Việt Nam – Hàn Quốc nam 2015 kờ` cribơyai mờ chul chồl ală bơta [uơn tam klac đah mpồl lơh sa kă bro, cau bơcri priă 2 lơgar tàm tu\ tơngai lơh jat Jơnau pơrgon kă bro khat gơboh Việt Nam – Hàn Quốc. Ồng Hoàng Trung Hải kuang jat jơng gơs gơnap gơnoar atbồ hơđang rlau jơh dà lơgar neh tus bal mờ geh jơnau đơs tàm dơ\ pơrjum.

Tàm dơ\ pơrjum, ồng Hoàng Trung Hải neh đơs tus ală tềl kuơ màng tàm broă mut gơ rờm bal lơh sa dunia bơh Việt Nam dê, tàm hơ\ geh broă ki\ Jơnau pơrgon kă bro khat gơboh Việt Nam – Hàn Quốc tàm gùl nam do. Ồng Hoàng Trung Hải đơs là, do là bơta niam dờng ngan nàng mpồl lơh sa kă bro, ală cau tờm bơcri priă 2 lơgar pơnjat tai rề ơnàng tam klac, sơlơ tơnguh rlau tai cribơyai kă bro, ngui geh uă rlau tai bơta [uơn bơh tơl gah dê nàng tam klac, kờ` 2 gah geh kuơ bal. Ồng Hoàng Trung Hải kơp kờ`, ală mpồl lơh sa kă bro lơgar Hàn Quốc pơnjat tai sền gròi, rề ơnàng bơcri priă tàm lơgar Việt Nam tàm ală gah bè lơh sa suơn sre, bơto bơsram, phan bơna gùng lòt, năng lượng, tiah ơm kis, lơh sơnơm, lơh sa mờ mai\ mok lơh gơlik phan, lơh sa mờ mai\ mok dong kờl… mờ broă lơh bơcri priă PPP mờ ală broă lơh ndai mờ Hàn Quốc geh bơta pràn, dipal mờ jơnau kờ` kung bè bơta pràn bơtàu tơnguh bơh Việt Nam dê.

                                                                 Cau cih mờ yal tơngit K’ Duẩn.