VOV4.K’ho - Ngai òr 09/02, cơldu\ lơh broă mpồl kuang bàng Gơnuar ala mat dà lơgar càr Dak Nông mờ mpồl duh broă ala mat làng bol càr Dak Nông tơn jơh broă lơh nam 2014 mờ mut lơh kơ nòl broă nam 2015. Tàm nam 2015 do, cơldu\ lơh broă mpồl kuang bàng gơnuar ala mat dà lơgar càr Dak Nông mờ kuang bàng mpồl duh broă ala mat làng bol càr Dak Nông geh pơnjat tai tơr gùm tàm broă tơnguh jơnhua cồng nha broă cribơyai, lam lơh, drơng broă lơh bơh mpồl duh broă ala mat làng bol càr Dak Nông, mpồl kuang bàng gơnuar ala mat dà lơgar càr Dak Nông, rơcang tơl mpồl cau lơh broă jat rơndap broă geh cồng nha, bơto pơlam tơnguh jơnhua bơta chài lơh broă ờs mờng, cri bơyai gùng dră bal tus mờ kuang bàng, cau lơh broă sa priă nhai dà lơgar.